India army ammunition depot catches fire, 17 killed: reports

پاکستان کرکٹ ٹیم کے سابق کپتان اور تحریکِ انصاف کے چیئرمین عمران خان قومی ٹیم کی مستقل خراب کارکردگی کی وجہ اقربا پروری اور سیاسی دباؤ کو قرار دیا ہے۔

عمران خان نے سماجی رابطوں کی ویب سائٹ ٹوئٹر پر اپنے پیغام میں کہا کہ قومی ٹیم کی ورلڈ ٹی ٹوئنٹی میں خراب کارکردگی اور ایونٹ سے اخراج پر افسوس کا اظہار کرتے ہوئے ملک میں کرکٹ کے نظام اور اس کے ذمے داروں کو تنقید کا نشانہ بنایا۔

انہوں نے کہا کہ کرکٹ کے موجودہ کا صحیح تجزیہ کیا جائے تو اصلاحات لائی جا سکتی ہیں اور ٹیم دوبارہ بلندیوں کی جانب گامزن ہو سکتی ہے لیکن غلط تجزیہ مزید ناکامیوں سے دوچار کرے گا۔

سابق کپتان کا کہنا تھا کہ ہماری کرکٹ کا مسئلہ یہ ہے کہ کرکٹ کو دوسروں ملکوں کی طرح ایک ادارہ نہیں بن پایا، جس کی وجہ وزیرِ اعظم کا پاکستان کرکٹ بورڈ (پی سی بی) کے سربراہ کو مقرر کرنا ہے۔

اُنہوں نے کہا،’’ ہمارے وزیرِاعظم نے نے اقربا پروری میں کمال حاصل کیا ہوا ہے اور ایک ’’الیکشن فکسر‘‘ کو پاکستان کرکٹ ’’فکس‘‘ کرنے کے لیے لگا دیا ہے۔

عمران خان نے کرکٹ کی درستی کے لیے تین نکاتی حکمتِ عملی پیش کرتے ہوئے مزید کہ کرکٹ کو ادارہ بنانے کیلئے اس میں سے سیاسی دباو کو باہر نکالنا ہوگا۔ صلاحیت کی کثرت ہونے کے باوجود، ہمارے کھلاڑیوں میں مستقل مزاج اور مہارت کی کمی ہے، جو ہماری کارکردگی میں مستقل مزاجی نہ ہونے کا ثبوت ہے۔

اُنہوں نے کہا کہ ’’بجائے اس کے کہ آپ بے معنی چیزوں پر اخراجات خرچ کریں، ہمیں مزید کرکٹ گراؤنڈز کی اشد ضرورت ہے، نیوزی لینڈ کی آبادی صرف 45 لاکھ نفوس پر مشتمل ہے لیکن ان کے پاس ہم سے زیادہ گراؤنڈ ہیں۔‘‘

انہوں نے ڈومیسٹک کرکٹ کے اوپر زور دیتے ہوئے کہا کہ تمام ڈیپارٹمنٹس کو اپنی ٹیمز کے بجائے 6 ریجنل ٹیموں کو اسپانسر کرنا چاہیے ۔

واضح رہے کہ پاکستانی ٹیم نے ورلڈ ٹی ٹوئنٹی کے سپر 10 مرحلے میں انتہائی ناقص کارکردگی کا مظاہرہ کیا اور اپنے چار سے تین میچ ہار کر ایونٹ سے باہر ہو گئی۔

قومی ٹیم کی اس بدترین کارکردگی پر سابق کرکٹرز نے شدید تنقید کرتے ہوئے کرکٹ کے موجودہ نظام اور ٹیم میں تبدیلیوں کا مطالبہ کیا ہے۔