India army ammunition depot catches fire, 17 killed: reports

پاکستانی اداکارہ ماہرہ خان بولی وڈ کنگ خان کے ساتھ اپنی ڈیبیو فلم کرنے جارہی ہیں جس میں اب سنی لیون بھی ان کے ہمراہ نظر آئیں گی۔

ممبئی مرر کی ایک رپورٹ کے مطابق اداکارہ سنی لیون کو اس فلم میں ایک آئٹم سانگ کرنے کی آفر دی گئی جسے اداکارہ نے قبول کرلیا ہے۔

مزید پڑھیں: 'رئیس' کی پہلی جھلک

خبر کے مطابق فلم رئیس 80 کی دہائی پر مبنی ہے اور فلم میں ایک ایسے گانے کی ضرورت تھی جو اس دور کا نظر آئے جس کے بعد فلم ساز نے بولی وڈ فلم ’قربانی‘ کا مقبول گانا ’لیلیٰ او لیلیٰ‘ شامل کرنے کا فیصلہ کیا ہے۔

سنی لیون اس گانے میں شاہ رخ خان کے ساتھ رقص کرتی نظر آئیں گی۔

خبر میں مزید بتایا گیا کہ شاہ رخ خان نے سنی لیون کو اس گانے میں شامل کرنے کا مشورہ دیا جس کے بعد اس کی شوٹنگ کے لیے ممبئی میں ایک بہت بڑا اور شاندار سیٹ بنایا جارہا ہے۔

اس گانے میں سنی ویسا ہی سفید لباس پہنے نظر آئیں گی جیسا اداکارہ زینت امان نے اصل گانے میں پہنا تھا۔

گانے کی شوٹنگ اگلے ماہ شروع کی جائے گی۔

یہ بھی پڑھیں: 'رئیس' کا کردار ماہرہ کو کیسے ملا؟

ریتیش سدھوانی اور فرحان اختر کی پروڈکشن میں بننے والی فلم رئیس میں شاہ رخ خان ایک گینگسٹر کے روپ میں نظر آئیں گے جبکہ ماہرہ خان ان کی بیوی کا کردار ادا کریں گی۔

فلم میں اداکار نوازالدین بھی اہم کردار کرتے نظر آئیں گے۔

فلم ’رئیس‘ رواں سال عید پر ریلیز کی جائے گی۔