سماجی رابطے کی ویب سائٹ ٹوئٹر پر ایک ویڈیو نے انٹرنیٹ صارفین کو سر کھجانے پر مجبور کردیا ہے۔
چلیں آپ ہی بتائیں کہ اوپر موجود تصویر میں لکڑی کے بنے کھلونا ریلوے ٹریک میں آپ کو کیا فرق نظر آتا ہے؟
یقیناً ایک چھوٹا اور دوسرا بڑا لگ رہا ہوگا مگر ایسا بالکل نہیں بلکہ یہ ایک بصری دھوکا ہے جو دماغ کے باعث آپ کو ہورہا ہے۔
جی ہاں ٹوئٹر صارف مارک سیٹل نے یہ تصویر شیئر کی تھی جنھوں نے اپنے بیٹوں کے اس کھلونا ٹریک کے دو ٹکڑوں کو جوڑ کر رکھ دیا۔
مارک نے اس میں ایک بصری دھوکا محسوس کیا جو اب تک ہزاروں افراد کو الجھن میں ڈال چکا ہے۔
یعنی ایک ٹریک بڑا اور دوسرا چھوٹا لگ رہا ہے مگر ایسا ہے نہیں۔
یہ دونوں ٹریک برابر ہیں اور لوگوں کے ذہنوں میں یہ سوال اٹھ رہا ہے کہ آخر تصویر میں فرق کیوں نظر آتا ہے؟
اس بصری واہمے کو Jastrow illusionکہا جاتا ہے جسے 1882 میں دریافت کیا گیا تھا اور اس کے مطابق اگر دو خم کھائی ہوئی چیزیں سائز میں برابر ہوں مگر ہماری آنکھ کو ایک بڑی اور دوسری چھوٹی لگ رہی ہو تو ایسا ہمارے دماغ کے محدود ظاہری تناظر کی وجہ سے ہوتا ہے، مگر اس کی ایک وجہ یہ بھی ہوتی ہے کہ اگر ایسی دو چیزوں کو برابر رکھا جائے اور اوپر بائیں جانے کے کونے کو ذرا سا بائیں جانب دبا دیا جائے تو یہ فرق پیدا ہوجاتا ہے۔۔
اگر آپ کی تسلی ہوگئی ہو تو اسے اپنے دیگر دوستوں کو الجھانے کے لیے استعمال کرسکتے ہیں۔
0 Comments: