28 سالہ برائن ہیرس اور 27 سالہ کیرولین پلیممونس نے دنیا کی سیر کے لیے اپنی بہترین ملازمتوں کو لات ماری اور پھر نکل پڑے۔
مگر 5 سال سے جاری دنیا کے اس سفر کے دوران انہوں نے ایک روپیہ بھی خرچ بھی نہیں کیا اور وہ دنیا بھر میں رضاکارانہ کام کی بنیادوں پر جاکر مفت قیام اور ٹرانسپورٹ کی سہولت حاصل کرکے اپنا شوق پورا کرتے ہیں۔
کھانا پکانے سے لے کر دیگر متعدد کاموں تک انہوں نے مختلف ممالک میں بہت کچھ سیکھا، مقامی افراد کو دوست بنایا اور چند زندگی بدل دینے والے تجربات کو جانا۔
ہیرس بتاتے ہیں " میں نے بین الاقوامی تعلقات میں ڈگری لی ہے، تو میں ہمیشہ سے ہی دنیا کو گھومنا چاہتا تھا اور ملازمت کے دوران ایک دن میں نے فیصلہ کرلیا کہ اب ایسا کرنا ہے اور ہم دونوں اپنے خواب کو تعبیر دینے کے لیے نکل پڑے"۔
انہوں نے رضاکارانہ خدمات سرانجام دے کر دنیا کو دیکھنے کا فیصلہ کیا تاکہ دیگر ثقافتوں کو زیادہ بہتر طریقے سے سمجھ اور مقامی افراد کی طرح رہ سکیں۔
ہیرس کے بقول " ہم دنیا کو ایسے نہیں دیکھنا چاہتے تھے جیسے گوگل پر کسی ملک کو سرچ کرنے پر وہاں کے سیاحتی مقامات کی فہرست آجاتی ہے کہ اس میوزیم میں چلے جائیں اور یہ یادگار دیکھیں وغیرہ"۔
مختلف ممالک میں انہوں نے کئی طرح کے کام کیے۔
0 Comments: