فیس بک کی خواہش ہے کہ آپ آن لائن اجنبی افراد سے بات کرنا شروع کردیں۔
یہی وجہ ہے کہ اس نے ایک نیا فیچر 'ڈسکور پیپل' متعارف کرایا ہے جس کا مقصد صارفین کو ایک دوسرے سے جوڑنا ہے، چاہے وہ ایک دوسرے کو جانتے بھی نہ ہوں۔
اس فیچر کو اس طرح ڈیزائن کیا گیا ہے کہ صارفین ایسے افراد کو تلاش کرسکیں گے جو ان کی جیسی دلچسپیوں یا عادات کے حامل ہوں یا کم از کم پروفائل کی حد تک ایک جیسے ہوں۔
یہ فیچر روایتی فیچرز جیسے ایونٹس اور پیجز کے ساتھ موجود ہے اور اس میں نیوی گیٹ کرنے کے لیے ضروری ہے کہ آپ کی پروفائل اَپ ڈیٹ ہو تاکہ وہ دیگر افراد کے سامنے آسکے۔
اس کے بعد صارفین کے سامنے اُن ایونٹس کی ایک فہرست آجاتی ہے جہاں وہ جانے میں دلچسپی رکھتے ہوں۔
ان کو دیکھنے پر ایسے اجنبی افراد سامنے آتے ہیں جنھیں آپ جانتے تو نہیں ہوں گے مگر ان کی پروفائل میں آپ کی دلچسپی کے لیے کچھ نہ کچھ ضرور ہوگا۔
جو لوگ آپ کے فیس بک فرینڈ ہوں گے وہ اس فیچر میں کبھی ظاہر نہیں ہوں گے ورنہ اس کا کوئی فائدہ نہیں رہ جائے گا۔
بنیادی طور پر یہ لوگوں کو اپنے بارے میں زیادہ سے زیادہ شیئر کرنے کے لیے بنایا گیا فیچر ہے۔
یہ فیچر فی الحال تمام صارفین کے لیے دستیاب نہیں تاہم اسے موبائل ایپس کے لیے متعارف کرایا گیا ہے جو بتدریج دنیا بھر میں اینڈرائیڈ اور آئی او ایس صارفین استعمال کرسکیں گے۔
0 Comments: